Joe Biden: ఆ నిర్ణయం వళ్ళ అమెరికన్‌లు సంతోషంగా లేరు..!
Joe Biden: ఆ నిర్ణయం వళ్ళ అమెరికన్‌లు సంతోషంగా లేరు..! 3 d ago
అమెరికా మాజీ అధ్యక్షుడు జిమ్మీ కార్టర్ ఇటీవల కన్నుమూసిన విషయం తెలిసిందే. ఈ నేపథ్యంలో జో బైడెన్ జాతీయ జెండాను 30 రోజుల పాటు అవనతం చేయాలని నిర్ణయించారు. ఈ నిర్ణయాన్ని కాబోయే అధ్యక్షుడు డొనాల్డ్ ట్రంప్ తప్పుబట్టారు.
ట్రంప్ ట్రూత్ సోషల్ వేదికగా చేసిన పోస్ట్‌లో "నేను అధ్యక్షుడిగా బాధ్యతలు స్వీకరించే సమయంలో జాతీయ జెండా అవనతం చేసి ఉంటుంది. ఇది చాలా గొప్ప విషయంగా భావించారు. వాస్తవానికి వారికి దేశం అంటే ప్రేమ లేదు. జిమ్మీ కార్టర్ మరణం కారణంగా, కాబోయే అధ్యక్షుడి ప్రారంభానికి జెండా అవనతమై ఉండటం బహుశా ఇది మొదటిసారి కావచ్చు. ఎవరూ దీన్ని చూడాలని అనుకోరు. ఈ నిర్ణయంపై ఏ అమెరికన్ సంతోషంగా లేరు" అని ట్రంప్ పేర్కొన్నారు.
మరొక వైపు వైట్ హౌస్ ప్రతినిధి కరీన్ జిన్ పియర్ తమ నిర్ణయాన్ని పునఃపరిశీలించాలనే ఆలోచన లేదన్నారు. ట్రంప్ జనవరి 20న అధికార బాధ్యతలు చేపట్టనున్నారు.
జిమ్మీ కార్టర్ అనారోగ్య కారణాలతో జార్జియాలోని ప్లెయిన్స్‌లో తుదిశ్వాస విడిచినట్లు ఆయన తనయుడు జేమ్స్ ఇ. కార్టర్ 3 తెలిపారు. కార్టర్ 1977-1981 మధ్య కాలంలో అమెరికా 39వ అధ్యక్షుడిగా పనిచేశారు.
